Category: Pain

To,

My Dear Ex,

Bata Duniya Ko Mere Ishq Mein Kitni Sachayi Thi

Bewafa Thi Tu Jo Kisi Or Ka Bistar Garam Karke Aayi Thi.

Diya Jo Tune Sadma Tha, Usse Aankh Meri Bhar Aayi Thi,

Kya Bataun Tujhko, Meri Rooh Kitni kapkapayi thi.

Sadma Lekar Tere Fareb Ka Jab Nikla Tha Tere Kamre Se

Chalne Laga Jo Jaane Ko, Pair Fisla Tha Mera Seediyo Se.

Pair Fisalke Jo Gira Tha Main To Chot Maine Khaayi Thi

Kya Bataun Tujhko Tab Jaan Pe Meri Ban Aayi Thi.

Diya Aisa Dard Bhi Tune Ki Bahar Na Fir Main Nikal Saka

Meri Nafrat Ka Aagaaz Hua Fir Badal Na Jise Main Saka.

Teri He Ek Dost Bhi Thi Jo Usdin Mere Saath He Thi

Samhala Tha Usne He Mujhe Par Hairan To Wo Bhi Thi.

Tere Jaisi Dost Ko Paakar Sharm Se Sir Uska Bhi Jhuka,

Dard Hua Tha Mujhko Par Dhadakta Dil Uska Bhi Ruka.

 

Ek Ek Pal Guzaara Aise Jaise Andhera Ho UJiyaalo Mein

Simat Gayi Meri Sab Raatein Bus Ek He Khayalon Mein.

Tera Wo Kisi Aur Ki Baahon Mein Hona Bar Bar Yaad Aata Hai,

Mere Har Sapne, Meri Himmat Ko Besabab Tod Ke Jata Hai.

 

Khair,

Ek Arsa Hua Tujhe Gaye Huye, Fir Bhi Yaad Teri Aati Hai

Jee Bhi Raha Hu Ya Marr Chuka, Tujhe Kahan Khabar Jati Hai.

Koshish Tujhe Bhulaane Ki Puri Hai, Par Khwaaishe Aaj Bhi Adhuri Hai

Zinda Hu Filhal Itna He Kaafi Hai, Par Meri Sazao Ki Kya Koi Maafi Hai ?

 

Khair Tere Jaane Se Khaamoshi Zarur Chhayi Hai

Par Ek Arse Baad Zindagi Mein Khushi Chalke Aayi Hai

Hai Khushnaseebi Meri Wo Khushi Ek Khushnuma Dost Ke Roop Mein Aayi Hai

Par Wo Bhi Gum Ki Maari, Apno Ki Satayi hai.

 

Teri He Tarah Muskurati Hai, Teri He Tarah Khilkhilati Hai.

Rehti Hai Wo Kahin Door Mujhse, Par Fir Bhi Apna Haq Jatati Hai

Mujhse Anjaan Hote Huye Bhi, Mujhe Apna Batlati Hai.

 

Majbur Hu Sochne Ko Ye Kaisa Mazak Hai Kudrat Ka

Jiske Liye Sab Kurbaan Kardia, Apni Rooh Tak Ko Neelaam Kardia

Usko Begunaah Hote Huye Bhi Chheen Liya

Or Croro Ki Bhheed Mein Ek Ajnabee Ko Apna Kardia.

 

Kaun Jaane Kya Hai Kiske Naseeb Mein

Bus Chal Rahi Hai Saanse Is Umeed mein

Ki Shayad Ek Din Pyar Mera Bhi Muqammal Hoga

Swaarth Bhari Duniya mein, Main Bhi Kisi Ka Swaarth Hounga.

 

——————————————————– #Ankit Jindal